Kryetari Komunës së Lipjanit, Imri Ahmeti ka falenderuar të gjithë për angazhimin, përkushtimin për gjatë procesit zgjedhor që janë mbajtur me 9 shkurt.

“Edhe pse rezultati nuk ishte ai që prisnim, puna dhe përkushtimi juaj nuk kaluan pa u vlerësuar. Krahasuar me zgjedhjet e parafundit, kemi shënuar një rritje të mirë, por ende jo të mjaftueshme për të realizuar plotësisht programin dhe vizionin tonë” ka shkruar Ahmeti.

Postimi plotë nga Imri Ahmeti:

Të dashur qytetarë, aktivistë dhe veprimtarë të palodhur,

Faleminderit nga zemra për angazhimin, përkushtimin dhe besimin që treguat gjatë procesit zgjedhor. Së bashku realizuam një fushatë dinjitoze, moderne dhe të kulturuar, të mbështetur në një ofertë konkrete dhe një program të mirëstudiuar për të mirën e Republikës sonë.

Edhe pse rezultati nuk ishte ai që prisnim, puna dhe përkushtimi juaj nuk kaluan pa u vlerësuar. Krahasuar me zgjedhjet e parafundit, kemi shënuar një rritje të mirë, por ende jo të mjaftueshme për të realizuar plotësisht programin dhe vizionin tonë.

Angazhimi ynë për qytetarët dhe vendin vazhdon. Me vendosmëri dhe përkushtim do të qëndroj përherë në shërbim të së mirës së përbashkët të vendit tonë.

Faleminderit që qëndroni gjithmonë krah nesh në përpjekjen për ndryshim. Krenar që ju kam në këtë rrugëtim të përbashkët!

Me mirënjohje,
IA