Kryetari i Komunës së Lipjanit, Imri Ahmeti gjatë ditës së sotme ka bërë homazhe pranë lapidarit të dëshmorit të kombit Xhavit Kozhani.
“Sot bëmë homazhe pranë lapidarit të dëshmorit të kombit Xhavit Kozhani – Burgia, në Lipjan dhe në fshatin Ribar i Madh, në nderim të jetës dhe veprës së tij, me rastin e 26-vjetorit të rënies” tha Ahmeti.
Poashtu, Ahmeti homazhet i vazhdoi edhe në varrezat e martirëve në fshatin Ribar të Madh dhe në Zllakuqan.
“Nderimet i vazhduam edhe pranë varrezave të martirëve në Ribar të Madh dhe në fshatin Zllakuqan, aty ku prehen të rënët që sakrifikuan gjithçka për atdheun.
Kujtimi për dëshmorët dhe martirët tanë do të mbetet përherë i gjallë, si frymëzim për brezat që vijnë dhe si obligim për të ndërtuar të ardhmen me dinjitet e përkushtim.Lavdi të përjetshme të gjithë atyre që ranë për liri!” shtoi ai. LipjaniNews
