Kryetari i Komunës së Lipjanit, z.Imri Ahmeti në emër të institucioneve komunale ka shprehur ngushëllime më të sinqerta për ndarjen nga jeta në mënyrë tragjike të riut ,Endrit Ademi, i cili humbi jetën në vendin e tij të punës në Milano të Italisë.

“Me dhimbje të thellë morëm lajmin për ndarjen e parakohshme nga jeta të Endritit, një humbje e rëndë që ka prekur jo vetëm familjen tuaj, por të gjithë qytetarët e Komunës së Lipjanit. Në këtë moment pikëllimi ju shprehim ngushëllimet tona më të sinqerta, juve si familje, shoqërisë, kolegëve dhe të gjithë atyre që patën fatin ta njihnin nga afër Endritin”. LipjaniNews