Honda zbuloi një version të ri të “Honda e” për tregun evropian, të quajtur “Limited Edition”.

Modeli është ekskluzivisht i disponueshëm me një nuancë të kuqe të jashtme, ndërsa prodhimi do të jetë i kufizuar në 50 njësi, përcjell Telegrafi.

“Honda e” debutoi në vitin 2019 me një lansim në treg në vitin 2020, kështu që është e natyrshme që prodhuesi i automjeteve të zbulojë një lloj edicion special për të rritur interesin e klientëve për EV urbane.

Ky model thuhet se bazohet në modelin Advance që kemi pasur mundësinë të njohim së fundmi, që do të thotë se merr motorin elektrik më të fuqishëm të montuar prapa me 152 kuaj fuqi (113 kW / 154 PS) dhe 315 Nm (232 lb-ft) çift rrotullues. /Telegrafi/