Euro 2020 humb një tjetër protagonist. Holanda do të duhet të bëjë pa Donny van de Beek gjatë gjithë turneut për shkak të dëmtimit të futbollistit të Manchester United. Mesfushori i rritur në radhët e Ajaxit të Amsterdamit, nuk do të kthehet nën urdhrat e trajnerit Frank de Boer, i cili ka vendosur të mos grumbullojë ndonjë lojtar tjetër për zëvendësimin e tij.

Lajmin për mbetjen e van de Beek jashtë listës së “Tulipanëve” u dha nga paraditen e kësaj të marteje nga Federata e Holandës. Ditët e fundit kishte dyshime për gjendjen fizike të 24-vjeçarit, i cili humbi miqësoren me Gjeorgjinë më 6 qershor, ndërkohë që kishte qëndruar gjatë gjithë kohës në stol në barazimin  barazuar 2-2 me Skocinë më 2 qershor.

Van de Beek vjen nga një sezon më se i komplikuar në karrierës së tij. Futbollisti i lindur në vitin 1997 verën e kaluar zgjodhi t’i bashkohej Manchester United, por jo gjithçka shkoi siç e kishte parashikuar. Nga 36 paraqitje në total, në vetëm 15 raste u aktivizua titullar dhe vetëm 4 nga këto u përkasin sfidave në Premier League.

Van de Beek numëron 19 ndeshje dhe tre gola me përfaqësuesen e Holandës. Kujtojmë që po për arsye dëmtimi Holanda humbi lojtarin më të rëndësishëm të mbrojtjes, Virgil van Dijk, i cili nuk mundi të riaftësohej në kojë pas dëmtimit të pësoi vjeshtën e kaluar në sfidën derbi mes Evertonit dhe Liverpoolit.