Haziri: LDK dhe Vetëvendosje kanë shumë të përbashkëta

PUBLIKUAR

Nënkryetari i Lidhjes Demokratike të Kosovës (LDK), Lutfi Haziri, duke e komentuar ftesën e Vetëvendosjes për takime para certifikimit të zgjedhjeve dhe shqyrtimin e mundësive për bashkëpunim, tha se këto dy parti i lidh qëllimi për ndryshime në vend.

Haziri në një prononcim për Telegrafin tha se LDK dhe Vetëvendosje kanë disa të përbashkëta, si legjitimiteti politik, programi kombëtar për bashkëpunim me shtetin amë si dhe qëllimi për ndryshime.

Sa i përket mandatarit për të themeluar Qeverinë, Haziri tha se ata që i kanë numrat në Kuvendin e Kosovës, duhet ta formojnë Qeverinë.

“Unë konsideroj që tri partitë janë në lojë për ta formuar qeverinë: VV, LDK dhe AAK. Ndonëse, formalisht zgjedhjet i ka fituar koalicioni PDK – AAK – Nisma (PAN)”, theksoi Haziri.

Ai ka folur edhe për mundësinë që dikush prej deputetëve të koalicionit LDK–AKR–AA, të kaloj te PAN-i, për t’i bërë numrat për themelimin e Qeverisë. Sipas tij, deri tani “të gjithë ata janë unik dhe janë duke vepruar bashkë”.

“Koalicioni i ka tashmë edhe zyrtarisht 30 deputetë, derisa vetëm LDK-ja i ka 24 prej tyre”, ka shtuar Haziri.

SHIKO MË SHUMË

Erëra të forta dhe reshje shiu, ky do të jetë moti sot në Kosovë

Instituti Hidrometeorologjik i Kosovës (IHMK) ka paralajmëruar se dita e sotme, e enjte, do...

‘‘UÇK, UÇK’’, thirrjet e qytetarëve teksa Jakup Krasniqi largohet nga shtëpia pas vizitës në Kosovë

Jakup Krasniqi ka përfunduar vizitën e tij që e zhvilloi sot në Kosovë. Krasniqi qëndroi...

Presidentja reagon pas aktgjykimit të Speciales, ngrit shqetësime për respektimin e të drejtave të palëve

Presidentja Justina Shiroka-Pula ka regauar pas shpalljesa së aktgjykimit e sotëm në Dhomat e...