Ish-kreu i Gjykatës Kushtetuese Enver Hasani mbrëmë në emisionin “DPT Te Fidani” në T7, ka folur rreth gjendjes së krijuar pas dorëheqjes së parevokueshme nga posti i Kryeministrit të Ramush Haradinajt.
Hasani ka thënë se edhe Isa Mustafa kur është rrëzuar me mocion votëbesimi ka pasur mundësi të veprojë njejtë dhe të marr vendime.
“Realisht mocioni i votëbesimit, kur është bërë në rastin e Isa Mustafaës edhe ai ka mundur me nënshkru sepse s’ka pasur kufizime ligjore as kushtetuesedhe me i ekzekutu kompetencat e tij me dashtë me abuzu, me bë autostrada ose çfarëdo”, tha ai.
I pyetur nëse është abuzim marrja e vendimeve pas dorëheqjes nga Ramush Haradinaj, Hasani është shprehur se është abuzim.
“Është abuzim po si nuk është abuzim, s’ka logjikë ajo punë, ti ke dhënë dorëheqje, nuk mundesh me i ushtru kompetencat e Kryeministrit”, shtoi.
Ish-kryetari i Gjykatës Kushtetuese të Kosovës, Enver Hasani, ka hedhur poshtë mundësinë që Behgjet Pacolli të bëhet automatikisht kryeministër i ri i vendit, pas dorëheqjes së Ramush Haradinajt nga posti i shefit të ekzekutivit të vendit.
Hasani ka thënë në emisionin “DPT Te Fidani”, në televizionin T7, se nuk qëndron interpretimi që i është bërë Kushtetutës së vendit në media se “pas dorëheqjes së parevokueshme të kryeministrit, barra e përgjegjësisë bie mbi zv. kryeministrin e parë”.
Ish-kreu i Gjykatës Kushtetuese madje ka qeshur, duke thënë se kushdo që ka bërë një konstatim të tillë nuk është njohës i mirë i Kushtetutës së Kosovës.
Hasani ka theksuar se koalicioni fitues i zgjedhjeve të fundit, PAN, mund të propozojë një mandatar për kryeministër, nëse për të pajtohen që të tre partnerët kryesorë të koalicionit. /GazetaExpress/