FIGC hapi një hetim mbi dyshimet për fyerje raciste ndaj Tiemoue Bakayoko dhe Franck Kessié gjatë ndeshjes Milan – Lazio, e zhvilluar në fundjavë.

Bakayoko bëri debutimin e tij në rikthimin e tij me Milanin kundër Lazios të dielën.

Sipas raporteve të shumta, një mori fansash të Biancocelesti kënduan një këngë raciste ndërsa lojtari ishte gati të hynte në fushë.

Kënga ishte ‘qartë e dëgjueshme’ dhe u përsërit nga fansat e Lazios disa herë.

Bakayoko zbuloi në Instagram se shoku i tij i skuadrës Kessié ishte gjithashtu në shënjestër nga tifozët e Lazios.

Në fillim të kësaj jave, Milani njoftoi se i kishte dërguar një ankesë zyrtare Prokurorit Federal, i cili tani ka hapur një hetim.

“Prokuroria Federale ka hapur një hetim kundër SS Lazio pas ankesës së paraqitur nga AC Milan për këngë diskriminuese nga tifozët e Biancocelesti kundër lojtarit Bakayoko gjatë Milan – Lazio më 12 shtator,” lexohej në një deklaratë zyrtare. Prokuroria po merr videot dhe dokumentet në posedim të Policisë së qytetit të Milanos”, thuhej në njoftim e Prokurorisë.

/Gazeta Express/