Projeksioni buxhetor për tri vitet në vijim është ligji më i rëndësishëm i cili miratohet në Kuvendet komunale përmes të cilit ndodhin të gjitha zhvillimet tjera në nivel lokal sepse nga buxheti varen të gjitha investimet si rrugët, ujësjellësi, kanalizimi, ndërtimi i shtratit të lumenjve, fushave sportive, sallave të sportit, ndërtimi dhe rregullimi i infrastrukturës shkollore, ndërtimi dhe mirëmbajtja e hapësirave publike – parqet, ndërtimi dhe mirëmbajtja e ndriçimit publik etj, ka shkuar Hajnuni, pohoi Hajuni.

“Por nuk përfundon këtu, përmes subvencioneve nga buxheti varet edhe zhvillimi i bujqësisë, ndihma për klubet sportive dhe sportistët, organizatave të ndryshme rinore, zhvillimet e ndryshme kulturore, zhvillimet në shëndetësi, ndihmat sociale etj”, theksoi kryesuesja Hajnuni.
“Prandaj duke e parë këtë gamë të zhvillimeve lokale të cilat varen nga buxheti, Kuvendi i Komunës dhe unë si Kryesuese e Kuvendit, në bashkëpunim me Drejtorin për Buxhet dhe Financa, në bazë të ligjit mbi menaxhimin e financave publike, kemi vazhduar me dëgjimet publike të projekt buxhetit të Komunës, me qëllim që pjesëmarrja qytetare në vendimmarrje të jetë sa më e fuqishme”, tha ajo.

Në këtë kuptim ne sot kishim ftuar në takime të ndara Komitetin për Politikë dhe Financa, Komitetin për Komunitete dhe Komitetet tjera të Kuvendit, OJQ, Grupin e Garave dhe qytetar tjerë të Komunës së Lipjanit. Sinqerisht falënderoj të gjithë pjesëmarrësit në këto takime për kontributin e tyre në mënyrë që projekt buxheti i cili do të shqyrtohet dhe votohet në Kuvend me 22.09.2016 të jetë një dokument i zbatueshëm dhe gjithëpërfshirës.