Njësitë policore kanë intervenuar në Rubofc tëLipjanit, pas pranimit të informatave për të shtëna me armë zjarri në këtë zonë.

Gjatë kontrollit në vendngjarje, policia ka ndalur një automjet të llojit xhip me targa vendore. Gjatë kontrollit në automjet është gjetur dhe konfiskuar një pushkë gjuetie me një fishek.

I dyshuari, një mashkull kosovar, ka deklaruar gjatë intervistimit se arma është në pronësi të tij dhe ka prezantuar lejen për të.

Ai ka pranuar se kishte përdorur armën për të gjuajtur në drejtim të disa fëllenzave, në një zonë private afër shtëpive.

Me urdhër të prokurorit, pas intervistimit, i dyshuari është liruar në procedurë të rregullt. /Telegrafi/