Në Gjermani në tremujorin e parë të vitit 2016 kanë qenë vakante pothuajse një milion vende pune, ndërsa ka ende kërkesë të madhe për të kualifikuar të punës, bën të ditur Instituti për hulumtim të tregut (IAB).

“Në tremujorin e parë të vitit 2016, rreth 974.000 vende pune në gjermani ishin të zbrazëta që është 26.000 më shumë se në të njëjtën periudhë të vitit të kaluar”, ka thënë IAB, transmeton Telegrafi.

Nga kjo thuhet se në perëndim të Gjermanisë kanë qenë vakante 756 dhe në lindje 218,000 vende pune.

Siç përcjellin mediat e huaja, punëdhënësit vazhdojnë të kërkojnë punëtorë të kualifikuar. E më të kërkuarit janë të kualifikuarit në sektorët e mjekësisë, teknologjisë informative dhe sektorit të makinerisë.

Nga studimet e kryera IAB rregullisht në mesin e punëdhënësve gjermanë, mund të shihet se numri i vendeve të punës që duhet urgjentisht të plotësohen ka rënë, por se interesi afatgjatë ende ekziston.

Një pjesë e nevojës për punëtorë të kualifikuar është mbuluar nga emigracioni, kryesisht nga vendet anëtare të Bashkimit Evropian.