Një gjeneral i lartë i Rusisë e ka kritikuar ashpër koalicionin e udhëhequr nga SHBA-ja në luftë kundër ISIS-it se po e shkatërron infrastrukturën – përfshirë një pendë të rëndësishme – në territorin që kontrollohet nga grupi ekstremit në Siri.
Gjenerali Sergei Rudskoi i Shtabit të Përgjithshëm të Ushtrisë Ruse e ka akuzuar sot koalicionin se po tenton që ta shkatërrojë tërësisht infrastrukturën kritike në Siri dhe ta komplikojë rindërtimin e pas luftës sa më shumë që të jetë e mundur, transmeton Express.
Rudoskoi më tej ka pohuar se aeroplanët luftarakë kanë shkatërruar katër ura mbi Lumin Eufrat në Siri.
Sipas tij, shembja e pendës do të çojë në katastrofë ekologjike dhe në vdekjen e shumë civilëve.
Por, koalicioni i udhëhequr nga SHBA-ja ka thënë se po i ndërmerr të gjitha masat parandaluese dhe se penda nuk është dëmtuar në mënyrë strukturore./Express/
