Është gjetur trupi i pajetë i fëmijës së dytë i cili ra në një liqen artificial në fshatin Milloshevë të komunës së Obiliqit.

Kërkimet kanë vazhduar për disa orë radhazi, deri në gjetjen e trupit.

Zëdhënësi i Policisë së Kosovës Baki Kelani ka dhënë detaje lidhur me tragjedinë që ndodhi sot në Milloshevë, ku tha se fëmijët janë të moshës 9 dhe 11 vjeçare.

“Kanë humbur jetën dy fëmijë. Ekipet e FSK-së dhe të Policisë së Kosovës rreth orës 17:10 minuta kanë arritur të nxjerrin edhe trupin e viktimës së dytë. Janë fëmijë të moshës 9 dhe 11 vjeçar”, ka thënë Kelani, , raporton Indeksonline.

Kelani ka bërë të ditur poashtu se fëmija i tretë që ishte me të ndjerit ka arritur të shpëtoi.

Ndër të tjerash bëhet e ditur se kjo gropë në të cilën kanë rëndë sot dy fëmijë është përdorur për peshkim.

Të dy fëmijët që humbën jetën sot nuk janë të së njëjtës familje, teksa në vendin e ngjarjes po vazhdojnë të qëndrojnë, Ambulanca, Policia e Kosovës bashkë me pjesëtarët e Forenzikës