Një çift nga Kalifornia dhe dy vajzat e tyre që kishin humbur që nga e diela, kur piratët sulmuan anijen e tyre në zonën e deltës së lumit Amazon, janë shpëtuar dhe detaje të reja po dalin në lidhje me mënyrën se si ata mbijetuan.

Sipas mediave të huaja, përcjell Telegrafi, bëhet fjalë për Adam dhe Emily Harteau dhe vajzat e tyre tre dhe shtatëvjeçare të cilët ishin në gjendje stabile kur u gjetën nga një peshkatar në xhungël, disa ditë pasi trageti në të cilin ishin edhe ata ishte rrëmbyer nga piratët me armë.

Siç shkruajnë mediat e huaja më tej, të cilat citojnë autoritetet, nuk kishte pasagjerë të tjerë në bordin e anijes dhe familja po flinte kur piratët hipën dhe morën peng të gjithë.

Ekuipazhi i tragetit dhe familja në një moment arritën të thërritnin policinë.

Kur ata mbërritën më në fund, piratët ikën, kështu që zyrtarët u folën viktimave dhe u nisën në kërkim të personave të armatosur.

Megjithatë, kur policia u kthye në bark, familja Harteaus nuk u gjetën askund.

“Ne nuk e dimë saktësisht se pse ata u larguan nga varka”, kanë thënë autoritetet.