Tyson Fury ka konfirmuar se meçi i tij në kategorinë e rëndë me Anthony Joshuan do të zhvillohet më 14 gusht në Arabinë Saudite.
Lufta mes by boksierëve britanikë po vlerësohet si më e madhja në dekadat e fundit të boksit dhe fituesi i saj do të shpallet kampion i padiskutueshëm i botës në kategorinë e rëndë, raporton Gazeta Express.
Joshua i mban titujt në WBA, WBO dhe IBF, ndërsa Fury është kampion në WBC.
Në këtë luftë për herë të parë në historinë e boksit në lojë do të jenë të gjithë katër titujt e kategorisë së rëndë.
Kampioni i fundit i padiskutueshëm i botës në kategorinë e rëndë ishte Lennox Lewis i Britanisë së Madhe, nga viti 1999 deri më 2000.
Duke e njoftuar datën për luftës në një video në Twitter, Fury tha: “Të gjithë sytë e botës do të jenë në Mbretërinë e Arabisë Saudite dhe mezi pres ta bëj copa-copa Anthony Joshuan në skenën më të madhe të të gjitha kohëve”.
“Kjo do të jetë ngjarja më e madhe sportive që e ka hijeshuar planetin Tokë. Mos e humbisni”, shtoi ai. /Gazeta Express/
“massive announcement” FURY VS JOSHUA IS ON AUGUST 14 in The kingdom of Saudi Arabia. The worlds biggest sporting event all eyes on us. @SCEEKSA @gsaksa_en @trboxing @mtkglobal @frankwarren_tv @marbella @wowhydrate #LETTHEGAMESBEGIN #saudiarabia #TYSONOFARABIA pic.twitter.com/ZKIAXLictV
— TYSON FURY (@Tyson_Fury) May 16, 2021
