Tri anije të mbushura me myslimanë të etnisë rohingya, të cilët po iknin nga dhuna në Myanmar, janë fundosur në Bangladesh. Sipas zyrtarëve, trupat e 26 grave dhe fëmijëve janë nxjerrë nga uji.
Komandanti i rojës kufitare të Bangladfeshit, koloneli Ariful Islam, ka thënë se të paktën tri anije që po bartnin një numër të panjohur myslimanësh rohingya u fundosen në Lumin Naf ditën e mërkurë, transmeton Express.
Trupat e 15 fëmijëve dhe 11 grave janë nxjerrë sot. Nuk është e qartë nëse ka të zhdukur.
Javën e kaluar, një grup i kryengritësve të etnisë rohingya i sulmuan dhjetëra postblloqe policore në shtetin Rakhine të Myanmarit, duke nxitur luftime me forcat e sigurisë që i kanë lënë më shumë se 100 persona të vdekur dhe i kanë detyruar të paktën 18 mijë të tjerë të ikin në shtetin fqinj, Bangladesh
