Frikë për ditën e pavarësisë, Zelensky premton reagim të fuqishëm nëse Rusia sulmon

PUBLIKUAR

Rusia do të përjetojë një reagim shumë të fuqishëm nëse kryen sulme gjatë festimeve për ditën e pavarësisë së Ukrainës.

Paralajmërimi serioz është lëshuar nga presidenti, Volodymyr Zelensky, pas raportimeve se ushtria e Moskës mund të bëjë diçka shumë të tmerrshme këtë javë.

“Nëse ata na sulmojnë ne, do të marrin një kundërpërgjigje shumë të fuqishme. Çdo ditë ai reagim do të rritet dhe do të bëhet gjithnjë e më i fuqishëm”, deklaroi Zelensky.

Departamenti amerikan i shtetit ka paralajmëruar se Rusia po planifikon të lëshojë sulme të reja kundër infrastrukturës civile dhe godinave qeveritare të Ukrainës. Kievi ka ndaluar eventet publike në përkujtim të pavarësisë së vendit nga Bashkimi Sovjetik, ndërsa tensionet janë rritur ndjeshëm me Moskën pas një sërë shpërthimesh dhe sulmesh në Krimenë e aneksuar. Lidhur me këtë gadishull është mbajtur edhe forumi i përvitshëm ku perëndimi tregoi edhe njëherë mbështetjen për Ukrainën.

“Ne nuk do ta njohim kurrë aneksimin e Krimesë apo të ndonjë territori tjetër ukrainas. Përballë sulmit të Putinit, ne duhet të vazhdojmë t’i japim miqve tanë ukrainas të gjithë mbështetjen ushtarake, humanitare, ekonomike dhe diplomatike që u nevojitet, derisa Rusia t’i japë fund kësaj lufte të tmerrshme dhe të tërheqë trupat e saj nga e gjithë Ukraina”, deklaroi Boris Johnson, kryeministri në ikje të Britanisë së Madhe.

“Franca ka mbështetur gjithmonë pavarësinë, sovranitetin dhe integritetin territorial të Ukrainës dhe do të vazhdojë ta bëjë këtë. pushtimi i Krimesë nga Rusia ka pasoja të drejtpërdrejta të një degradimi të qartë të situatës humanitare dhe respektimit të të drejtave të njeriut”, shtoi presidenti francez Macron.

Presidenti Zelensky tha se Ukraina do ta kthejë Krimenë e pushtuar nga Rusia me çfarëdo mjeti që e konsideron të nevojshme. Presidenti i Turqisë, Recep Tayyip Erdogan, kërkoi nga Moska që t’ja kthejë këtë territor Ukrainës, ndërsa presidentja e Komisionit Europian, Ursula von der Leyen, pohoi se BE nuk do ta njohë kurrë aneksimin e paligjshëm të Krimesë.

 

LAJME TË TJERA

Për personat me zemër të sëmurë a është më i shëndetshëm gjalpi apo vaji?

Tri lloje yndyrash janë bindshëm më të këqija se këto dy të parat Disa studime...

Kejvina Kthella duket në formë në imazhet me bikini nga pushimet në Zanzibar

Pushimet për modelen e njohur nga Shqipëria, Kejvina Kthella, duket se nuk kanë mbaruar...

Opsionet e Barcelonës për zëvendësimin e Busquetsit

Sergio Busquetes pritet që të largohet nga Barcelona në afatin kalimtar të verës. Mesfushori spanjoll,...

Aksident trafiku në magjistralen Gjilan-Prishtinë, dalin pamjet

Një aksident trafiku ka ndodhur sot në magjistralen Gjilan-Prishtinë, përkatësisht në fshatin Bresalc. Lajmin për...

SHIKO MË SHUMË

Mobilizimi ushtarak, Rusia thotë se 10 mijë persona janë paraqitur vullnetarë për të luftuar në Ukrainë

Ushtria ruse tha më 22 shtator se të paktën 10.000 persona kanë dalë vullnetarë...

Tërmet i fuqishëm në Itali, kjo është magnituda

Një tërmet me magnitudë 4.4 ballë me thellësi 10 kilometra është regjistruar pak më...

Çfarë do të thotë mobilizimi ushtarak i Rusisë, a po kërcënon Putin me luftë bërthamore?

Presidenti rus Vladimir Putin ka urdhëruar një mobilizim të pjesshëm për të përforcuar trupat...