Ministri i Jashtëm i Francës, Jean-Marc Ayrault, ka thënë sot se propozimi i presidentit të zgjedhur amerikan, Donald Trump, për ta vendosur Ambasadën e SHBA-së në Izrael në Jerusalem, do të ishte provokim me pasoja tejet të rënda.
“Natyrisht se [është provokim]. Mendoj se ai nuk do të jetë në gjendje ta bëjë këtë,” ka thënë Ayrault për televizionin francez “France 3”, derisa konferenca për paqe në Lindje të Mesme është duke u mbajtur sot në Paris, transmeton Express.
Sipas tij rivendosja e Ambasadës së SHBA-së në Jerusalem nga Izraeli, do të prodhonte pasoja të rënda.
“Do të kishte pasoja tejet të rënda, edhe pse kjo nuk është hera e parë që ky propozim gjendet në agjendën e një presidenti amerikan, por asnjëri prej tyre deri më tani nuk e ka marrë këtë vendim,” ka thënë ai./Express/
