Carlo Ancelotti është zyrtarizuar si trajner i Real Madrid.

Italiani ka firmosur për tre vite dhe të mërkurën do të prezantohet nga ora 18:00.

Ai edhe do të flasë për mediat gjerë e gjatë, për të zbuluar më shumë përse vendosi të largohet nga një projekt që ka nisur vet te Evertoni, për t’u kthyer te një skuadër që ka nevojë për revolucion.

Carlo ka falënderuar tifozët e Everton, derisa ua bëri me dije se s’mund t’i thoshte jo klubit që e do.

“Doja të falënderoja klubin e Everton, lojtarët e mi dhe tifozët që më dhanë mundësinë të drejtoja këtë klub fantastik dhe me histori. Vendosa të largohem sepse kam një sfidë të re me një ekip që ka qenë gjithmonë në zemrën time, Realin e Madridit. Largohem duke marrë me vete momente të mrekullueshme që kemi jetuar së bashku. I uroj klubit dhe tifozëve më të mirat”, është shprehur Ancelotti, në reagimin e parë që ka bërë pas largimit nga Evertoni.

Carlo, me Realin në etapën e parë, para se të shkarkohet, ka fituar katër trofe, veçuar UEFA Champions Leaguen pas 12 vitesh. /Gazeta Express/