Fiqat po kthehen në vetura elektrike

PUBLIKUAR

Në kryeqytetin e Maqedonisë së Veriut një veturë e vogël me ngjyrë të kaltër, që kujton kohët e komunizmit, po qarkullon nëpër rrugë në përpjekjen e parë të Maqedonisë për të prodhuar veturat e veta elektrike.

Ideja e kompanisë “BB Classic Cars” në Shkup është të rikthejë veturat e vjetra dhe t’i konvertojë disa prej tyre në vetura elektrike me ndihmën e fondit të qeverisë për inovacion, që synon të promovojë teknologjitë përkrahëse për ambientin, transmeton Koha.net.

Maqedonia e Veriut, që dëshiron t’i bashkohet Bashkimit Evropian ku rregullat për emetim janë tejet të ashpra, përballet me ndotje të madhe të ajrit për shkak të emetimit të gazrave nga veturat. Ajo po planifikon të përkrahë iniciativat për automobilat me zero emetim.

“BB Classic Cars” ka konvertuar superminin Zastava 750 (Fiqa), model tejet i famshëm në ish-Jugosllavi, duke e zëvendësuar motorin me benzinë, me një elektrik.

Milorad Kitanovski, drejtor i “BB Classic Cars”, ka thënë për Reuters se performanca e automobilit të konvertuar, që prodhohej në Kragujevac të Serbisë mes viteve ’60-të deri në mes të ’80-ave, është më e mirë se origjinalja.

“Motori ka potencial shumë më të madh për performancë më të mirë e shpejtësi më të lartë, por e kemi limituar në 120 kilometra për orë”, ka thënë Kitanovski.

Automobilat e konvertuar kanë motorë elektrikë nga kompania gjermane Kessler. Kitanovski nuk ka treguar sa ka investuar kompania për të kryer këtë ndryshim.

Vetura mund të ecën deri 150 kilometra me një mbushje që zgjat deri tri orë në mbushje normale në shtëpi, e vetëm 15 minuta në mbushësit e shpejtë.

“Kosto për tri orë mbushje është më pak se 1 euro për 10 kilovatët sa është kapaciteti i baterisë”, ka thënë ai.

Çmimi i veturës sillet rreth 20 mijë euro dhe kompania po synon edhe tregjet e huaja.

LAJME TË TJERA

“Isha para spitalit duke prit”, deputeti Rashit Qalaj në një rrëfim të rrallë për jetën private

Deputeti, Rashit Qalaj, ka rrëfyer dy momentet më të lumtura dhe ato më tē...

Melisa Lleshi: Dua ta adoptojë një fëmijë, ndoshta vitin tjetër

Melisa Lleshi është banorja më e re e Big Brother VIP Kosova. Reklama Ajo i është...

E konfirmuar: Ndërron jetë i dyshuari për plagosjen e dy grave në Fushë Kosovë

Ka ndërruar jetë Sabit Islami, i dyshuari për plagosjen e dy grave sot në...

Uzuni fantastik, shënon dy gola për Granadan

Granada ka shënuar fitore ndaj Andorras në kuadër të La Liga 2. Futbollisti shqitar, Myrto...

SHIKO MË SHUMË

Lufta në Ukrainë, Papa Françesku: Krim kundër Zotit dhe njerëzimit

Papa Françesku e ka krahasuar luftën në Ukrainë me një “krim kundër Zotit dhe...

Gripi i shpendëve alarmon Çekinë, asgjëson 220,000 pula

Autoritetet në Çeki po përgatiten për të vrarë deri në 220,000 pula në një fermë...

FMN paralajmëron një vit të vështirë: Një e treta e botës në recesion

Kryetarja e Fondit Monetar Ndërkombëtar, Kristalina Georgieva, ka thënë se gjysma e 27 vendeve...