Misioni evropian “Orbituesi Diellor” ka filluar ne nisjen e sondës në hapësirë me qëllim të studimit të përbërjes dhe karakteristikave të Diellit nga pozicione më të afërta.
Ky mision do të kushtojë 1.5 miliardë euro. Sonda është e pajisur me kamera dhe sensorë që pritet të ofrojnë të dhëna dhe pamje të reja në lidhje me funksionimin e yllit.
Shkencëtarët po synojnë që përmes këtij misioni të marrin më shumë të dhëna në lidhje me aktivitetin dinamik të Diellit.
Misioni i ri është investimi më serioz i Agjencisë Evropiane të Hapësirës, por në këtë projekt ka marrë pjesë edhe agjencia amerikane, NASA.
Sonda do të shkojë në një zonë ku largësia nga sipërfaqja e Diellit është 42 milionë kilometra. Kjo distancë është më e afërt se nga Merkuri.
Për të rezistuar nga temperaturat e larta, sonda do të jetë e mbrojtur nga një mburojë e titaniumit, shkruan “BBC”, transmeton Gazeta Express.