Civilë po vriten në vend, teksa betejës për Aleppon po i vjen fundi. Raportohet për civilë të vrarë dhe të bllokuar në ndërtesa në kohën kur forcat e Bashar al-Assadit po e marrin qytetin më të madh të Sirisë.

Forcat pro-qeveritare po ekzekutojnë civilët, përfshirë gratë e fëmijët. Në disa raste, forcat luajale ndaj Assadit po futen brenda shtëpive duke ekzekutuar ata që gjejnë brenda.

Frika është shtuar pasi mijëra civilë dhe kryengritës kanë mbetur në lokacionet e fundit që kanë nën kontroll në lindje të Aleppos, transmeton Telegrafi.

Ushtria siriane ka thënë se në çdo moment do të marrë kontrollin në tërë qytetin.