Vulva është pjesa e jashtme e gjenitaleve femërore të cilat njerëzit shpesh i ngatërrojnë me vagjinën
Vrima e vagjinës është në të vërtetë vetëm një element i vulvës që përfshin buzët e mëdha, buzët e vogla, klitorin…
Gratë nuk urinojnë nga vagjina
Gratë nuk urinojnë nga vagjina por nga uretra, e cila është një nga tri vrimat “atje poshtë”. Uretra është e vendosur në gjysmë të rrugës midis klitorit dhe vagjinës. Ajo është kanali që lidh fshikëzën me botën e jashtme dhe nga aty del urina.
Nën të është vagjina – ku penisi hyn gjatë marrëdhënieve vagjinale dhe nga ku gjaku del gjatë menstruacioneve. Vrima e tretë është anusi përmes të cilit zbrazim zorrët, transmeton Telegrafi.
Çfarë saktësisht është vulva?
Vulva është pjesa e jashtme e organeve gjenitale femërore të cilën njerëzit shpesh e ngatërrojnë me vagjinën. Vrima vagjinale është në të vërtetë vetëm një element i vulvës që përfshin labia majora, labia minora, klitorin, gjëndrat e Bartholit dhe dy gjëndra të vogla në të dy anët e vagjinës.
Roli i vulvës është të mbulojë dhe mbrojë organet gjenitale dhe uretrën.
Bota e vulvës është shumë e larmishme
Vulva nuk duhet të duket në ndonjë mënyrë të veçantë. Sidoqoftë, kërkesa për labioplastikë (një procedurë estetike që ndryshon pamjen buzëve të vulvës) po rritet nga viti në vit, shkruan iflscience.com.
Në fakt, sipas një studimi të botuar në revistën Obstetrics and Gynecology BJOG, është mjaft e pakuptimtë madje të përpiqesh edhe të “krijosh” madhësinë apo forma mesatare, sepse diapazoni i formave dhe i madhësive është i madh.