Mes artistëve pjesëmarrës në këtë “trampolinë” artistike është edhe artisti shqiptar Eros Dibra, krahas Aaron Oldenburg, Ally Clark, Ben Sloat, Chris Fielder, Chris Shaw dhe Helen Naylor.
PRISM është një nga organizatat më të mëdha të artit në Sheffield e cila merr hapësira përgjatë gjithë qytetit dhe i mbush ato me artin bashkëkohor.
PRISM është bashkuar këtë herë me Millenium Gallery dhe sot hapin ekspozitën “PRISM Tramlines Weekender”, ku përgjatë tri ditëve do të ekspozohen punime të disa artistëve nga Evropa. Tramlines është një prej cikleve artistike në qytetin e Sheffield dhe kështu mbledh artistët të cilët lëvizin me ekspozitën e tyre në tema të lira e të ndryshme artistike.
Mes artistëve pjesëmarrës në këtë “trampolinë” artistike është edhe artisti shqiptar Eros Dibra, krahas Aaron Oldenburg, Ally Clark, Ben Sloat, Chris Fielder, Chris Shaw dhe Helen Naylor.
Artisti Eros Dibra nuk rend pas detajeve të konsumuara piktorike, dhe nuk fshihet pas fasadave të figurave të mëdha.
Ai pikturon realitete që zakonisht kalojnë përmes ëndrrës dhe zhgjëndrrës, përmes emocionit, që mbetet peng i pritshmërisë e durimit për t’ia dalë punës në krye. Ky konstatim estetik është ABC-ja me të cilën mund të kontaktojmë me pikturat e Eros Dibrës. / KultPlus.com