Erdogani inauguron xhaminë më të madhe në Turqi, i zë 63 mijë besimtarë

PUBLIKUAR

LAJME TË TJERA

Lushtaku kujton të vrarët në masakrën e Izbicës, thotë se kjo plagë nuk shërohet deri në arritjen e drejtësisë

Nënkryetari i Skenderajt, Sami Lushtaku ka kujtuar masakrën e ’99-ës të Izbicës. Në këtë masakër...

Dhunë fizike, psikike, kanosje e përdorim i armës, 12 raste të dhunës në familje në Kosovë në 24 orë

Policia e Kosovës ka njoftuar për 12 raste të dhunës në familje në 24...
Presidenti i Turqisë, Rexhep Erdogan, e ka inauguruar në mënyrë zyrtare xhaminë më të madhe në Turqi, e cila ka arkitekturë të stilit otoman dhe ndodhet në një kodër të Stambollit, prej së cilës shihet Ngushtica e Bosforit.

Xhamia Camlica është një nga xhamitë e shumta të stilit otoman që janë ndërtuar gjatë pushtetit 17-vjeçar të presidentit Erdogan dhe partisë së tij, Partia Për Drejtësi. Kupa e saj është jashtëzakonisht e madhe dhe xhamia ka minaret 107 metra të larta. Në këtë mënyrë, xhamia mund të shihet nga të gjitha pjesët e qytetit me 16 milionë banorë.

Gjatë një ceremonie me disa liderë tjerë ndërkombëtarë, Erdogan tha se struktura e xhamisë i shkon për shtati Turqisë bashkëkohore. “Xhamia ka shumë simbole që i përkasin historisë, civilizimit dhe besimit tonë”, tha ai.

Erdogan gjithashtu foli kundër sulmeve në rritje ndaj objekteve fetare nëpër botë, përfshirë sulmin në xhamitë e Zelandës së Re dhe kishave në Sri-Lankë.

“Ata që i sulmojnë xhamitë dhe kishat e kanë të njëjtën mendësi të errët. Masakrimi i njerëzve të pafajshëm dhe bombardimi i shtëpive të adhurimit nuk janë xhihad. Këto janë terror, mizori dhe vrasje”, tha Erdogan.

Ndërtimi i kësaj xhamie ka kushtuar rreth 100 milionë dollarë dhe ka zgjatur gjashtë vjet. Në të mund të falen 63 mijë besimtarë në të njëjtën kohë. Në kompleksin e strukturës së saj ka edhe muze, galeri, salla për mësim dhe një qendër për konferenca, shkruan “Independent”, transmeton Gazeta Express.

 

SHIKO MË SHUMË

Zbulohet se sa do të jetë “kostoja ditore” nga shembja e urës në Baltimore

Shembja e urës Francis Scott Key në Baltimore pasi u godit nga një anije...

Bursa e Turqisë goditet nga një tërmet 5.1 ballë, u ndje edhe në Stamboll

Sipas informacioneve në faqen e Presidencës së Menaxhimit të Fatkeqësive dhe Emergjencave (AFAD), një...

Reshjet e mëdha të borës pengojnë udhëtimet në Gjermani, Zvicër dhe Austri, qindra fluturime janë shtyrë ose anuluar

Reshjet e dendura të borës kanë ndikuar në ndërprerjen e udhëtimeve në Gjermaninë jugore...