Erdogan kërcënon keq: Do të dërgojë ‘miliona’ refugjatë në Evropë

PUBLIKUAR

LAJME TË TJERA

Sulmoi seksualisht një grua në Shtime, arrestohet

Një burrë është arrestuar në Shtime pasi që i njëjti dyshohet se ka ngacmuar...

Moti sot i vranët e me shi

Sot parashihet të mbajë mot kryesisht i vranët dhe kohë pas kohe me reshje...

Presidenti i Turqisë, Rexhep Tajip Erdogan, ka kërcënuar se do të dërgojë “miliona” refugjatë sirianë në Evropë në përgjigje të kritikave për ofensivën e tij ushtarake në Sirinë e kontrolluar nga kurdët.

Duke folur para parlamentit turk, Erdogan tha që forcat turke kishin vrarë 109 “militantë” që kur filloi operacioni të mërkurën dhe paralajmëroi se ai do t’i “hapë dyert” për të ndezur një krizë të re refugjatësh në Evropë nëse BE e quante atë një “pushtim”, shkruajnë mediat e huaja, përcjell Telegrafi.

“Hej BE, zgjohuni. Unë e them përsëri: nëse përpiqeni të kornizoni operacionin tonë atje si një pushtim, detyra jonë është e thjeshtë: ne do t’i hapim dyert dhe do të dërgojmë 3.6 milionë migrantë te ju”, citohet të ketë thënë presidenti turk.

Komentet e tij vijnë ndërsa një grup sirian për të drejtat e njeriut thanë që deri në 100,000 civilë janë zhvendosur qëkur Turqia filloi sulmin e saj me granatime dhe sulme ajrore kundër pikave të forta kurde dhe qyteteve të mërkurën pasdite.

Turqia, e cila thotë se dëshiron të krijojë një “zonë të sigurt” në anën Siriane të kufirit, tha se kishte “kapur” të gjithë objektivin e saj të caktuar për ditën e parë dhe se operacioni vazhdoi të shkojë ashtu siç ishte planifikuar.

Ndërkohë Forcat Demokratike Siriane të udhëhequra nga kurdët thanë se ata kishin zmbrapsur një sulm turk mbi qytetin e Tel Abyad dhe thanë se pretendimet që Turqia kishte bërë ndonjë përparim në lindje, Eufrat ishin të rreme.

Ministria e Mbrojtjes e Turqisë kishte thënë më herët se forcat turke deri më tani kanë shënjuar 181 caqe të “organizatave terroriste” si pjesë e operacionit “Burimi i Paqes” në veri të Sirisë.

Ndryshe presidenti turk Rexhep Tajip Erdogan njoftoi të mërkurën fillimin e operacionit ushtarak në verilindje të Sirisë.

Me këtë rast, ai ka thënë se ky operacion do të synonte grupin ISIS dhe Njësitë e Mbrojtjes së Popullit Kurd (YPG), të cilat Turqia konsideron se janë të lidhura me Partinë e jashtëligjshme Partia e Punëtorëve të Kurdistanit (PKK).

Ndryshe, një veprim i Turqisë u nxit nga njoftimi i Donald Trump, që gjatë fundjavës tha se forcat e Shteteve të Bashkuara do të largohen nga zona.

SHIKO MË SHUMË

Zbulohet se sa do të jetë “kostoja ditore” nga shembja e urës në Baltimore

Shembja e urës Francis Scott Key në Baltimore pasi u godit nga një anije...

Bursa e Turqisë goditet nga një tërmet 5.1 ballë, u ndje edhe në Stamboll

Sipas informacioneve në faqen e Presidencës së Menaxhimit të Fatkeqësive dhe Emergjencave (AFAD), një...

Reshjet e mëdha të borës pengojnë udhëtimet në Gjermani, Zvicër dhe Austri, qindra fluturime janë shtyrë ose anuluar

Reshjet e dendura të borës kanë ndikuar në ndërprerjen e udhëtimeve në Gjermaninë jugore...