Është lansuar videoklipi i këngës “Festa”, i këngëtares Festina Mejzini. Kjo është kënga e parë solo e këngëtares së re, që famë mori nga XFactor në Shqipëri.

Ashtu sikur e ka bërë të ditur për KultPlus se kënga “Festa”, e këngëtares Festina Mejzini do të lansohet të premten, ashtu edhe u bë. Kënga e këngëtares që ka prek edhe skenën e XFactor në Shqipëri dhe marr titullin e emrit të këngëtares, tashmë është lansuar në youtube.

Kënga është ritmike, me videoklip veror që i shkon kësaj stine. Ndërkohë, Festina Mejzini edhe gjatë pjesëmarrjes në XFactor është dalluar për zërin e saj karakteristik.

Kjo këngë është kënga e parë solo e këngëtares dhe është kompozuar nga Big Basta nga produksioni 042 dhe i takon zhanrit Pop/RnB. Në një intervistë të dhënë për KultPlus, Festina ka bërë të ditur se pas këngës “Festa”, do të ketë edhe projekte të tjera por që do të mbeten befasi për publikun./KultPlus.com