Një shpërthim eksplozivi ka ndodhur gjatë orëve të para të mëngjesit të së martës, në qytetin e Elbasanit.

Burime paraprake bëjnë të ditur se rreth orës 04:00, persona ende të pa identifikuar, kanë hedhur lëndë plasëse në drejtim të një lokali në rrugën “Rinia”.

Fatmirësisht nga kjo ngjarje nuk raportohet për të lënduar në njerëz, por vetëm dëme të konsiderueshme materiale, shkruan tvklan.al.

Në vendin e ngjarjes, grupi hetimor po punon për identifikimin dhe kapjen e autorëve, si dhe zbardhjen e shkaqeve të kësaj ngjarjeje.