Drejtorati i Shëndetësisë dhe Përkujdesjes Sociale në Lipjan, në bashkëpunim me Zyrën për Barazi Gjinore dhe të Drejtat e Njeriut, ka organizuar një sërë aktivitetesh me rastin e 31 Majit Ditës Botërore kundër duhanit.
Në këtë ditë në të gjithë botën organizohen aktivitete ndërgjegjësuese kundër pirjes së duhanit.
Po ashtu aktivitete me moton “ Molla ju siguron shëndet kurse duhani vret”, janë zhvilluar në të gjitha shkollat e mesme dhe fillore të Komunës së Lipjanit, në të cilat janë mbajtur ligjerata me qëllim të vetëdijesimit në parandalimin e pirjes së duhanit dhe pasojave shëndetësore që shkakton pirja e duhanit.
Ndërsa, gjatë ditës së sotme në të gjitha institucionet komunale gjatë shënimit të aktiviteteve ndërgjegjësuese janë shpërndarë molla, duke u thirrur në moton “ Molla ju siguron shëndet kurse duhani vret”.