Pas vendimit të Gjykatës Administrative për rivotim në vendvotimin 2011 në Tearcë, edhe Komisioni Shtetëror Zgjedhorë duhet të bëjë simulim të rezultateve për të parë mundësinë se sa do të ndikojë votimi në rezultatin e përgjithshëm në rang shtetëror, shkruan Telegrafi Maqedoni.

Sipas rregullores të KSHZ-së, vendvotimi do të ketë rivotim vetëm nëse i njejti vendvotim do të ndryshojë rezultatin e përgjithshëm. Nëse ka kushte për të ndryshuar rezultatin, do të votohet 14 ditë pas ditës së zgjedhjeve, respektivisht më 25 dhjetor.

Në të njejtin vendvotim rezultatet kanë qenë si vijon:
91 vota për OBRM-PDUKM-në,
87 vota për LSDM-në,
65 vota për Lëvizjen Besa,
64 vota për PDSH-në,
53 vota për BDI-në,
25 vota për Aleancën për Shqiptarët dhe nga një votë për OBRM për Maqedoninë dhe Koalicionin për Ndryshime dhe Drejtësi.

Në këtë vendvotim kanë dalë 404 nga 714 votues të regjistruar në Listën e votuesve./Telegrafi/