Në Komunën e Gostivarit sipas të dhënave nga Komisioni Komunal Zgjedhor, për raundin e dytë votuan sot 123 te sëmurë që shënon 39 persona më tepër nga raundi i parë i datës 15 tetor.
Por, për dallim prej para dy javësh sot dita e votimeve për të sëmurët ka kaluar nën hijen e ngjarjes që ndodhi në fshatin Zdunjë. Një orë pasi kishte votuar, ka ndërruar jetë banori i moshuar i Zdunjës, njofton Flaka.
Në listë për të votuar në raundin e dytë ka qenë edhe një person i paraburkosur. Në Komunën e Gostivarit të drejtë vote kanë 79.610 qytetarë në gjithsej 121 vendvotime.
