Trajneri i Romës, Paulo Fonseca thuhet se e ka falur kapitenin Edin Dzeko, i cili u kthye të stërvitej me pjesën tjetër të grupit këtë mëngjes dhe mund të kthehet në skuadër kundër Juventusit.
“Il Messaggero” raporton një pikë kthese të rëndësishme për Giallorossi dhe hapat e parë drejt pajtimit.
Gazeta zbulon se boshnjaku është përsëri në stërvitje me grupin, pas 10 ditësh jashtë, zyrtarisht për shkak të dëmtimit.
Këtë mëngjes, Dzeko u stërvit me lojtarët që nuk luajtën kundër Hellas Verona të dielën, ndërsa Chris Smalling shkoi në klinikën Villa Stuart për ekzaminime mbi dëmtimin që pësoi në pjesën e parë të ndeshjes.
Raporti zbulon se Dzeko mund të thirret për ndeshjen e madhe kundër “Zonjës së Vjetër” të shtunën, por Borja Mayoral pritet të fillojë. /Gazeta Express/
