Këngëtarja Genta Ismajli së shpejti do të sjell projektin e saj më të ri.

Megjithëse këngëtarja nuk ka dhënë asnjë detaj rreth projektit, nga ajo që ka publikuar në rrjetet sociale mësohet që titulli i këngës së re është “Kishe”, transmeton Telegrafi.

Ylli i skenës shqiptare tashmë ka nisur xhirimet e kësaj kënge, të cilën do ta sjell të realizuar edhe me videoklip.

Nga pamjet e para të publikuara nga vetë këngëtarja dhe Sellma, e cila është kujdesur për lookun, shihet se Genta do të vijë tejet joshëse në projektin e ri.

Ndryshe ditëve të fundit u përfol se ajo dhe këngëtari Labinot Tahiri, me të cilin sollën bashkëpunim “Shkurt e shqip” gjatë verës, kanë prishur raportet. Arsyet nuk dihen, por flitet se ata dy nuk kanë asnjë kontakt më me njëri tjetrin. /Telegrafi/