Diplomati i njohur gjerman, Wolfgang Ischinger, e ka paralajmëruar Rusinë se NATO-ja tani është e lirë që të vendosë numër të pakufizuar trupash dhe armë bërthamore në vendet anëtare të aleancës.
“A kanë kuptuar të gjithë në Moskë se Putini sapo e ka vrarë Aktin Themelues NATO – Rusi? Që NATO-ja tani do të ishte e lirë që të pozicionojë numër të pakufizuar trupash në të gjitha vendet e reja anëtare të NATO-s nga viti 1997, përfshirë edhe armët bërthamore?”, shkroi Ischinger-i në llogarinë e tij në Twitter.