Ndonëse leximi optik i testeve konsiderohet të jetë njëra prej formave më të avancuara teknologjike, e cila e lehtëson procesin e kontrollimit të testit, në Fakultetin e Mjekësisë me rastin e kontrollimit të këtyre testeve të provimit pranues ka dalë se rreth 12 teste janë lexuar gabimisht nga kjo aparaturë.

Këto teste të lexuara gabimisht dhe disa lëshime teknike ndikuan në organizmin e një proteste nga kandidatët që kishin aplikuar në Fakultetin e Mjekësisë, të cilët shprehën pakënaqësitë e tyre lidhur me testin pranues.

Por, zyrtarët e rektoratit të Universitetit të Prishtinës thonë se pas shqyrtimit të këtyre ankesave dhe kontrollimit në mënyrë manuale të testeve, gabimet janë rregulluar, transmeton KTV.

Kjo metodë e kontrollimit të testeve, e cila aplikohet që nga viti 2009 në Fakultetin e Mjekësisë dhe që 3 vjet në Fakultetin e Edukimit, sipas Golës nuk eliminon në tërësi gabimin, por ndikon në minimizimin e tyre.

Ndërsa sa u përket ankesave të studentëve lidhur me lëshimet teknike, si për shembull, në testin e kimisë, sipas Golës, ato nuk kanë mundur të ndikojnë në rezultatin final të testit. Pas ankesave të këtij grupi të maturantëve Rektorati i UP-së të hënën ka marrë vendim për themelimin e një komisioni qendror në nivel të

Universitetit për të rishqyrtuar ankesat e paraqitura brenda afatit të konkursit nga kandidatët që kanë aplikuar për pranim në Fakultetin e Mjekësisë. /Telegrafi/