Demenca i prek rreth 850,000 njerëz vetëm në Mbretërinë e Bashkuar, ndërkaq ky emër i është dhënë një grupi simptomash që ndërlidhen me reduktim të funksionit të trurit.

Simptomat e zakonshme të demencës janë humbja e kujtesës, ndryshimet në disponim dhe vështirësitë për t’u përqendruar, transmeton Telegrafi.

Megjithatë, rrezikun për të zhvilluar demencë mund ta ulni duke i bërë disa ndryshime në stil të jetesës.

Ushqimi i shëndetshëm

Ushqimet e caktuara mund t’jua ulin rrezikun për këtë sëmundje.

Ekspertët rekomandojnë të hani ushqime që kanë pak sheqer, por që përmbajnë karbohidrate të shëndetshme, siç janë patatet e ëmbla, karrotat, etj.

Megjithatë, edhe ushqimet me yndyra të shëndetshme, si avokadot dhe produktet arrore janë shumë të mira për trurin.

Largoni stresin

Stresi i vazhdueshëm mund t’i vret qelizat e trurit, dhe rrjedhimisht të shkaktojë probleme në funksionin e tij.

Kështu, mundohuni ta largoni sa më shumë stresin përmes jogas, meditimit, teknikave të frymëmarrjes, etj.

Bëni gjumë të mirë

Shëndeti i trurit mbështetet në gjumin e mirë që e bëni gjatë natës.

Gjumi është vital për shëndet optimal të trurit sepse gjatë gjumit qelizat e trurit detoksikohen dhe pastrohen.

Ushtrimet fizike

Ushtrimet fizike janë kruciale për zvogëlimin e rrezikut të zhvillimit të demencës. Aktiviteti e rritë qarkullimin e gjakut në tru, dhe kjo e rritë sasinë e oksigjenit që truri e pranon.

Veç kësaj, ushtrimet aerobike stimulojnë prodhimin e qelizave të reja që janë përgjegjëse për kujtesë dhe emocione. /Telegrafi/