Lajmi bëhet i ditur nga media prestigjoze Express. Co.uk.“CIA është duke u përpjekur për të vrarë Donald Trump para se ai të marrë zyrtarisht detyrën muajin e ardhshëm”, thuhet në deklaratën e Alex Jones dhe beson se CIA është “tepër e dëshpëruar” pasi po mundohet të eleminojë presidentin e zgjedhur, i cili pritet të marrë detyrën më 20 janar.

Jones tha se raportet që pretendojnë se Trump ka lidhje të ngushta me Kremlinin janë një “shenjë shumë, shumë serioze” e një komploti të mundshëm vrasjeje qe mund te kryhet tani afër.

Jones ka thënë se: “Ata (duke nënkuptuar CIA-n) janë tepër të dëshpëruar tani për shkak se ai (Trump) është gati për të rikthyer punën në Amerikë. Ai është gati të deaktivizoje globalizmin, ai është gati të rrëzojë gjithë sistemin e tyre. Pra, në mënyrë të qartë presidenti është në rrezik, në mënyrë të qartë presidenti i zgjedhur duhet të informohet për këtë që po ndodh. Unë e di se ai është duke u informuar për këtë”, shkruan Panorama.

Duke e bërë më të sigurt pretendimin e tij, Jones paralajmëroi se “elemente të bandave kriminale” brenda CIA-s i janë “vënë nga pas” Trumpit. “Ata janë duke i shkuar nga pas Presidentit duke pretenduar se ai është një spiun i huaj që po pengon vullnetin e popullit amerikan”.