Hiper-makina që vjen si pjesë e një edicioni të limituar, është bazuar në EB110 SS
Kemi dëgjuar kohë më parë, se Bugatti do ta sjellë një makinë të fuqishme, ndërsa para disa ditësh, u shpërndanë pamjet, që tregon se ky model është bazuar në EB110 SS dhe do të ketë shumë fuqi, transmeton Telegrafi.
Me këtë model, që ishte më i shpejti pas vitit 1990, do të nderohet themeluesi Ettore Bugatti, në 110 vjetorin e lindjes, andaj edhe është quajtur Centodieci, që në gjuhën italiane nënkupton 110.
Dizajni i Centodieci lë të kuptohet se ka ngjashmëri të madhe me EB110 SS, duke filluar nga forma e patkoit në pjesën e përparme, përmasat e njëjta në të gjitha anët si dhe hapësira me tri ndarje për hyrje të ajrit.
Centodieci e ka motorin me 8 litra VV16 që prodhon 1,600 kuaj fuqi, që është për 100 kuaj fuqi më shumë se Chiron. Shpejtësinë nga zero deri në 100 kilometra në orë ë zë për 2.4 sekonda, derisa shpejtësinë maksimale e ka të limituar në 380 kilometra në orë.
Ndryshe nga La Voiture Noire që ka ngjyrë të zezë, Centodieci është me ngjyrë të bardhë. Si pjesë e edicionit të limituar, Bugatti Centodieci vjen në dhjetë njësi që kushtojnë nga tetë milionë euro. /Telegrafi/
