Mesfushori i Manchester Unitedit, Bruno Fernandes është shpallur futbollisti i muajit dhjetor në Premierligë.
Tre gola dhe katër asiste ishin të mjaftueshme për yllin portugez ta fitojë përsëri këtë çmim.
Ylli i Manchesterit e ka fituar për të katërtën herë çmimin e lojtarit më të mirë të muajit, shkruan Gazeta Express.
Kështu, Bruno Fernandes bëhet futbollisti i vetëm që e fiton katër herë brenda një viti kalendarik këtë çmim.
Ai ka realizuar 15 gola dhe tetë asistime në 23 ndeshjet e tij në Premierligë dhe Champions League me Manchester Unitedin.
Me paraqitjet e tij, Bruno Fernandes ka ndihmuar “Djajtë e Kuq” që të prijnë në Premierligë, me tri pikë para Liverpoolit. /Gazeta Express/
