Frankfurt Motor Show që zhvillohet gjatë muajit shtator, ishte thënë se do të jetë organizimi ku do të prezantohet modeli tërësisht i ri nga linja M5.

Por, tashmë është dhënë lajmi zyrtar nga BMW, se kjo makinë lansohet më 21 gusht, transmeton Telegrafi.

Ende nuk dihet pse është bërë kjo nguti nga prodhuesi gjerman, ndërsa mendohet se janë lënë befasi tjera për në panair.

Makina 4.4-litra V8 do të ketë 600 kuajfuqi, ndërsa shpejtësinë nga zero deri në 100 kilometra në orë, e arrin për 3.5-sekonda.

Deri në fund të javës, pritet të ketë edhe më shumë lajme për këtë M5, që do t’i prijnë lansimit. /Telegrafi/