Kryesia e Bashkësisë Islame e Republikës së Kosovës ka shpallur organizimin e Haxhit për të gjithë besimtarët islam që janë të interesuar për kryerjen e këtij kushti të pestë të Islamit.
Udhëtimi për në haxhillëk këtë vit do të organizohet vetëm me Aeroplan.
Aranzhmani i Haxhit me Aeroplan është paraparë 3.400 € euro(tremijë e katërqind euro), për një person.
Në aranzhmanin e Haxhit janë përfshirë të gjitha shpenzimet e nevojshme lidhur me haxhillëkun, si në vend ashtu edhe në Arabinë Saudite, duke përfshirë udhëtimin, ushqimin dhe kurbanin, kështu që të gjithë haxhinjët do ta kryejnë haxhin Temettu- me kurban. Ndaj të gjitha shpenzimet janë të kryera, njofoti BIK
“Ju njoftojmë gjithashtu se këtë vit regjistri i Haxhinjëve do të mbyllet dukshëm më herët se vitet e kaluara, gjegjësisht deri më 03.07.2017.
Personat e interesuar për Haxhillëk duhet ti kenë të gatshme këto dokumente:
1. PASAPORTA BIOMETRIKE E REPUBLIKËS SË KOSOVËS
2. DY FOTO TË FORMATIT TË PASAPORTËS
Për informata më të hollësishme lajmëroni në zyrat e Këshillit të Bashkësisë Islame në Prishtinë”.
E lusim Allahun xh.sh. që të gjithëve t’ua bëjë të mundur kryerjen e këtij obligimi.