Presidenti i SHBA-së, Joe Biden tha se presidenti rus Vladimir Putin nuk do të jetë kurrë i suksesshëm në pushtimin e gjithë Ukrainës, raporton CNN.

“Putini duket i vendosur ta vazhdojë rrugën e tij vrastare pa marrë parasysh koston”, tha Biden në Shtëpinë e Bardhë, përcjell Gazeta Express.

“Ai i ka kthyer tashmë dy milionë ukrainas në refugjatë. Rusia mund të vazhdojë ta shkatërrojë përparimin e saj me një çmim të tmerrshëm, por kjo është tashmë e qartë: Ukraina nuk do të jetë kurrë fitore për Putinin. Putini mund të jetë në gjendje ta marrë një qytet, por ai kurrë nuk do të jetë në gjendje ta mbajë vendin dhe nëse nuk i përgjigjemi sulmit të Putinit ndaj paqes dhe stabilitetit global sot, kostoja e lirisë edhe për popullin amerikan do të jetë edhe më e madhe nesër”, tha ai.

Biden e lavdëroi gjithashtu popullin ukrainas për rezistencën në luftë.

“Ata e kanë frymëzuar botën me trimërinë e tyre, patriotizmin e tyre, vendosmërinë e tyre sfiduese për të jetuar të lirë. Lufta e Putinit ka shkaktuar një vuajtje të madhe dhe humbje të panevojshme të jetës së grave, fëmijëve, të gjithëve në Ukrainë – si në Ukrainë ashtu edhe.. mund të shtoj, rusët”, tha ai.