“Ne kemi vlerësuar arsyeshëm se forcat ruse po planifikojnë dhe synojnë të sulmojnë Ukrainën në javën e ardhshme – në ditët në vijim”, tha presidenti amerikan të premten.

“Ne besojmë se ata do të synojnë kryeqytetin e Ukrainës Kiev, një qytet me 2.8 milionë njerëz të pafajshëm”, deklaroi më tej ai.

Biden përsëriti thirrjet që Moska të mos përshkallëzojë situatën.

“Nëse Rusia ndjek këtë plan, ajo do të jetë përgjegjëse për një luftë katastrofike dhe të panevojshme”, shtoi më tej i pari i SHBA-së. /Lajmi.net/