Presidenti amerikan Joe Biden ka realizuar një bisedë me video, për më shumë se një orë me kryeministrin britanik Boris Johnson dhe liderët francezë dhe gjermanë.

Shtëpia e Bardhë ka njoftuar në Twitter, se janë pajtuar për të vazhduar “rritjen e kostos mbi Rusinë për invazionin e pajustifikueshëm”, transmeton Telegrafi.

Presidenti ukrainas dëshiron që Perëndimi të rrit presionin mbi Rusinë – duke u ndalur së bleri naftën dhe gazin rus – por deri më tani nuk kanë arritur pajtim unanim për këtë.

Madje ekziston frika se vendet evropiane që mbështeten në energjinë ruse, mund të goditen rëndë nëse realizohet një veprim i tillë.

Në kumtesën e Shtëpisë së Bardhë, është ritheksuar “vazhdimi i përkushtimi për ofrimin e ndihmës ekonomike dhe asistencë humanitare për Ukrainën”. /Telegrafi/

.@POTUS held a secure video call today with President Macron, Chancellor Scholz, and Prime Minister Johnson. The leaders affirmed their determination to continue raising the costs on Russia for its unprovoked and unjustified invasion of Ukraine. pic.twitter.com/mgLIZAU2K8

— The White House (@WhiteHouse) March 7, 2022