Kryeministri i Malit të Zi, Dritan Abazoviq ndodhet në Beograd për vizitë zyrtare.

Me të filluar vizitën e tij, ai është pritur me ceremoni zyrtare nga homologia serbe, Ana Brnabiq.

Në orët e pasdites, Abazoviq ka publikuar një video ku shihen rrugët e Beogradit të veshura me flamuj serbë e malazezë krah njëri-tjetrin.

Serbinë e Malin e Zi, Abazoviq, i ka quajtur shtete vëllazërore

#Beograd je danas okićen zastavama dvije bratske države 🇲🇪❤🇷🇸. Hvala domaćinima na divnom dočeku! Okrećemo novi list – pokazujemo da dvije države mogu drugačije i bolje. 🇲🇪🇪🇺🇷🇸 pic.twitter.com/DkGig9F242

— Dr Dritan Abazovic (@DritanAbazovic) June 29, 2022

“Beogradi sot është stolisur me flamujt e dy shteteve vëllazërore. Faleminderit mikpritësve për një pritje të mrekullueshme! Ne po kthejmë një faqe të re – po tregojmë se të dy vendet mund ta bëjnë më ndryshe dhe më mirë”, ka shkruar Abazoviq.

Dritan Abazoviç e kishte paralajmëruar vizitën në Beograd nga Ohri, ku kishte marrë pjesë si vëzhgues në Samitin e “Ballkanit të Hapur”.

Madje, ai kishte thënë se fakti që vizita e tij e parë në rajon do të jetë në Beogradi tregon se po vjen një kohë më e mirë për bashkëpunim mes dy vendeve. /GazetaExpress/