Në Istog sot u mbajt Kuvendi i tretë i Organizatës së Veteranëve të UÇK-së, ku kryetar i kësaj organizate u zgjodh Bekë Berisha.

Kuvendi në mbledhjen e sotme zgjodhi edhe Këshillin Drejtues dhe pjesërisht kryesia e Organizatës së Veteranëve të UÇK-së.

Kryetari i zgjedhur i OV të UÇK, Bekë Berisha, përmes një postimi në facebook, i ka falënderuar delegatët për besimin që i kanë dhënë në udhëheqjen e kësaj organizate. Ai thotë se për plotësimin e Kryesisë me anëtarët e tjerë do të mblidhet Këshilli, raporton Telegrafi.

“Kjo organizatë nuk duhet të jetë pronë e askujt, por do të jetë në shërbim të veteranëve “, ka shkruar Berisha.
“Do të vazhdojmë së bashku për promovimin e këtyre vlerave. Është e nevojshme që në këtë situatë të vështirë për të gjithë neve të kontribuojmë që të jemi të bashkuar”, ka thënë Berisha