Partia Republika e Popullit [CHP] dhe tri parti të tjera opozitare kanë arritur marrëveshje për një aleancë në zgjedhjet e parakohshme parlamentare më 24 qershor, tha një zyrtar i partisë CHP, shkruan Periskopi.

Zyrtari i tha Reutersit se marrëveshja mes CHP-së, partisë Iyi, partisë islamiste Saadet dhe partisë demokrate do të njoftohet zyrtarisht në një konferencë për shtyp të enjten.

Kjo do t’i mundësojë partive të vogla që përmes aleancash të futen në parlament ku duhen 10% të votave të përgjithshme, pra një prag më i lartë se në Kosovë ku është 5%. Kjo marrëveshje e krijon një koalicion të gjerë kundër aleancës sunduese të presidentit Recep Tayyip Erdogan, partia e të cilit ka bërë koalicion me partinë MHP.
Erdogani i ka fituar dhjetëra zgjedhje dhe e ka dominuar politikën turke qëkur partia e tij erdhi në pushtet në vitin 2002. Zgjedhjet do të shënojnë tranzicionin e Turqisë nga një republikë parlamentare në atë presidenciale