Presidenti i Sirisë, Bashar Assad, ka thënë se urdhri ekzekutiv i presidentit të SHBA-së, Donald Trump, për t’ua ndaluar hyrjen në SHBA sirianëve ka për cak vetëm terroristët dhe jo popullin sirian.

Muaji që shkoi, Trump e nënshkroi një urdhër ekzekutiv, i cili që atëherë u suspenduar nga një gjykatës amerikan, për t’ua ndaluar hyrjen në SHBA qytetarëve nga shtatë vende me shumicë myslimane, përfshirë atyre nga Siria, si dhe për ta vendosur një ndalesë për një kohë të papërcaktuar ndaj të gjithë refugjatëve nga Siria, transmeton Express.

“[Ndalesa] është kundër terroristëve që do t’i infiltronte disa prej emigrantëve në Perëndim. Dhe kjo ndodhi. Ndodhi në Evropë, kryesisht në gjermani,” ka thënë Assad në një intervistë për Radio Evropa 1 dhe televizionin TF1.

“Mendoj se qëllimi i Trumpit është që t’ua parandalojë atyre njerëzve hyrjen. E nuk është kundër popullit sirian,” ka thënë ai.