Marrëveshja aktuale e Ansu Fatit me Barcelonën zgjat deri në vitin 2022, por klubi nuk po nxiton të rinovojë kontratën e tij pasi ata i kanë dhënë përparësi nënshkrimeve të reja në javët e fundit.

Bisedimet midis dy palëve në lidhje me një rinovim të mundshëm filluan muaj më parë dhe negociatat duket se janë në rrugën e duhur, me të dy palët të gatshme për të arritur një marrëveshje.

Barcelona e konsideron Fatin si një pjesë thelbësore të së ardhmes së klubit dhe është optimist për rezultatin e bisedimeve me përfaqësuesit e të riut.

Fati aktualisht është duke u rikuperuar nga një dëmtim i rëndë në gju që e detyroi atë të nënshtrohej një operacioni disa herë gjatë sezonit të kaluar.

Rinovimi i tij është vonuar, por Barcelona nuk ka menduar ndonjë skenar që do të shihte që Fati të largohej nga klubi pavarësisht se negociatat nuk konsiderohen si një çështje prioritare për momentin.

Blaugrana i ka dhënë përparësi nënshkrimit të lojtarëve të lirë si Memphis Depay dhe Georginio Wijnaldum dhe largimin e disa lojtarëve për të krijuar financa. /Gazeta Express/