“Blaugranët” po “luftojnë” për të shitur lojtarë këtë verë, me vetëm Samuel Umtiti që është larguar deri më tani, transmeton Gazeta Express.

Francezi u largua vetëm pasi ranë dakord për të shkëputur kontratën, kështu që Barcelona nuk arriti të gjeneronte asnjë fond nga ai.

Barça mund të fitojë para edhe nga klauzolat e ndryshme që ka te ish-lojtarët e saj.

Juan Miranda mund t’i sjellë Barcelonës 4 milionë euro nëse largohet nga Real Betis dhe Malcom tani mund t’i sjellë 4.5 milionë euro shtesë, pasi ai është afër largimit nga Zenit St. Petersburg dhe transferimit te Al-Hilal, ka raportuar “Mundo Deportivo”.

Barcelona raportohet të ketë një klauzolë shitjeje prej 7.5% në marrëveshjen e tyre me klubin rus, kështu që do të aktivizohet kur të kompletohet transferimi i brazilianit në Arabinë Saudite.

Edhe pse nuk është shumë e madhe, megjithatë këto para do të ishin të mirëpritura në “Camp Nou”. /Gazeta Express/